9 СЫНЫП НЕГІЗІНДЕ

• Аспаз. Ең перспективалы және сұранысқа ие мамандықтардың бірі. Ол рецептураларды, дайындау технологиясының негіздері мен мәнін, тағам мен аспаздық өнімдердің сапасына, мерзіміне, сақтау шарттарына, ресімделуіне және берілуіне қойылатын талаптарды, рационалды тамақтану негіздерін; тағам мен аспаздық өнімдерді дайындау үшін пайдаланылатын шикізат пен жартылай фабрикаттардың түрлерін, қасиеттерін және өңдеу тәсілдерін біледі. Қосымша біліктілігі: кондитер.
• Кондитер. Бұл тағамды дәмдеуішпен, марципанмен, қантталған жемістермен, шоколадпен, креммен безендірумен айналысатын, торттар, пирожный, басқа да даналы кондитерлік және нан-тоқаш өнімдерін, қамырдың әр түрлі түрлерін, кремдерді, салындыларды дайындау жөніндегі маман. Қосымша біліктілігі: аспаз.
• Даяшы. Ас мәзіріндегі тағамдардың құрамы мен сипаттамасын, аспаздық сипаттамасын, ережелерін, кезектілігін, тағам мен сусындардың берілу ерекшеліктері мен температурасын білетін қоғамдық тамақтандыру кәсіпорындарының қызметкері. Ол үстелді жабдықтау ережелері мен түрлерін, ыдыстың, асхана құралдарының әр түрлі түрлерін біледі. Даяшы салтанатты мерекелерге және банкеттерге қызмет көрсетуде таптырмас орын алады. Қосымша біліктілігі: аспаз.
• Кәмпитші. Кәмпит массасын берілген рецептура бойынша дайындау, шоколад, халва, мармелад-пастила өнімдерін дайындау шебері, өлшеп-орау машиналарына қызмет көрсетеді. Ол түрлі кәмпиттер мен ұлттық тәттілерді жасау процесін жүргізеді. Шикізат пен жартылай фабрикаттардың қасиеттерін, олардың сапасына қойылатын талаптарды, кәмпит, вафли жасау рецептурасы мен технологиясын, жабдықтың құрылымын, өнімдердің сапасын анықтау тәсілдерін біледі. Қосымша біліктілігі: карамель өндірушісі.
• Наубайшы. Нан, нан-тоқаш, кептірілген, татымды және ұннан жасалған кондитерлік өнімдерді пісіру процесін жүзеге асырады. Қамырдың әр түрлі түрлерін дайындау технологиясын, түрлі салындылар мен шәрбаттарды дайындау рецептурасын біледі. Қосымша біліктілігі: қамыр жасаушы.
• Тамақ өнімдерін өндірудегі жабдықтарды реттеуші. Қызмет көрсетілетін жабдықтың, машиналар мен автоматтардың құрылымын және құрылымдық ерекшеліктерін; қызмет көрсетілетін жабдықтың жұмысындағы ақауларды тудыратын себептер, оларды анықтау және жою тәсілдері, бөлшектеу, құрастыру және реттеу тәртібін; қызмет көрсетілетін жабдықты пайдалану және жөндеу ережесін білетін маман. Қосымша біліктілігі: электр жабдықтары жөніндегі слесарь.
• Бақылаушы-кассир. Онсыз бірде-бір дүкен жұмыс істей алмайды. Ол тауарлардың, ыдыстың және олардың таңбалануының сапасына қойылатын стандарттар мен техникалық шарттардың негізгі талаптарын; тауарлардың сапалылық белгілерін; олар дайындалған шикізаттың негізгі түрлерін; ақау түрлерін біледі. Қоймадағы тауарлардың ассортиментін зерттейді. Қосымша біліктілігі: азық-түлік тауарларын сатушы.
• Шұжық өнімдерін қалыптаушы. Шұжық цехының маманы, қажетті толтыру тығыздығын және қабықтың шығыс нормаларын сақтай отырып, вакуум-шприцтерде және автоматтарда фаршпен толтыру жолымен шұжық өнімдерін қалыптауға жауап береді. Қолданылатын шикізаттың сапалық белгілері мен түрлерін, қатпарланған және басқа да шұжықтарды, ысталған және даналы бұйымдарды қатпарлау (қалыптау) үшін жартылай фабрикаттарды іріктеу ережесін біледі. Қосымша біліктілігі: термокамералар мен термоагрегаттардың операторы.
• Азық-түлік тауарларын сатушы. Мамандандырылған (көкөніс, балық, сүт, нан) және әмбебап дүкендерде сатып алушыларға қызмет көрсетеді. Тауарларды қоймалардан алады, оларды сатуға дайындайды. Сатып алушыға өнімді таңдауға көмектеседі. Өлшейді, орайды және тауарларды жібереді. Терезелік және магазин ішіндегі витриналарды рәсімдейді. Сатып алушылардың сұранысын зерттейді. Қосымша біліктілігі: азық-түлік емес тауарларды сатушы.
• Азық-түлік емес тауарларын сатушы. Өнеркәсіп тауарларын сату бойынша дүкендерде сатып алушыларға қызмет көрсетеді. Сатып алуды ұсынады, көрсетеді және таңдауға көмектеседі. Тауарлардың әрекетін тексереді және көрсетеді. Сатып алушыларды ағымдағы маусымның мақсаты, қасиеттері, сапасы, бағасы, сәні туралы хабардар етеді. Сатылатын тауарлардың ассортиментін, сипаттамасын, мақсатын, оларды пайдалану және оларды күту тәсілдерін біледі. Қосымша біліктілігі: бақылаушы-кассир.

11 СЫНЫП НЕГІЗІНДЕ

Супервайзер (ауысым бастығы). Бұл қонақ үй-мейрамхана кешендерінің барлық бөлімшелерінің жұмысын үйлестіретін, маркетингтік стратегияны әзірлеуге, перспективалық жоспарлар мен баға саясатын әзірлеуге қатысатын маман. Қонақ үй-мейрамханалық сервис, менеджмент және маркетинг стандарттарын біледі. Қонақ үйдің мазмұны мен безендірілуіне, материалдық қамтамасыз етілуіне, іскерлік қарым-қатынас әдепіне, іскерлік ағылшын тіліне қойылатын талаптарды меңгерген. Қосымша біліктілігі:  әкімшінің көмекшісі.

Агент. Агенттер өздері қолдана алатын көптеген қызмет салаларында орын таба біледі. Олар сауда және жарнама компанияларында еңбек ете алады. Агент клиенттік базаны құру үшін барлық әлеуетті сатып алушыларды мұқият зерделеп, компанияға өз бетінше барып, клиенттермен кездесулер ұйымдастырып, ұсынылатын өнім туралы айтып беруі тиіс. Ол келіссөздер жүргізуді жүзеге асырады және олардың арасындағы қатынастарды реттейтін шарт негізінде өз атынан немесе ол ұсынатын басқа тұлғадан сатып алу-сату мәмілелерін жасайды. Сатып алынған өнімді жеткізуді және қызмет көрсетуді ұйымдастырады.  Қосымша біліктілігі: еңбек жөніндегі техник.

Колледж түлектері кафелерде, мейрамханаларда, дүкендерде, аспаздарда, наубайханаларда, тамақ өнеркәсібі кәсіпорындарында жұмыс істейді.

Студенттердің оқуы үшін барлық жағдай жасалған: дәрісханалар мен жабдықталған зертханалар, студенттік асхана, жатақхана, спорт қалашығы бар.

Қостанай қ., Н.Назарбаев даңғ., 68  т. 87142-541032, 542815 (факс)  

                                                                сайт: plso.kz      e-mail: Этот адрес электронной почты защищен от спам-ботов. У вас должен быть включен JavaScript для просмотра.