2026 жылғы 3 сәуірде Қостанай қызмет көрсету саласының колледжінде арнайы пәндер оқытушылары мен өндірістік оқыту шеберлері арасында «Ас әзірлеу ісі» компетенциясы бойынша облыстық кәсіби шеберлік конкурсы өтуде. Конкурстың ашылуына Әдістемелік орталықтың әдіскері Хасанова Майра Болатовна қатысты. Конкурста 5 педагог бақ сынауда. Қатысушылар бірінші модульді-«Жүгері-асқабақ крем-супын» дайындауға кірісті. Конкурс педагогтардың кәсіби деңгейін арттыруға, тәжірибе алмасуға және кулинарлық өнер дағдыларын жетілдіруге бағытталған. Барлық модульдер аяқталғаннан кейін конкурстың қорытындылары шығарылып, үздік қатысушылар дипломдар мен естелік сыйлықтармен марапатталады.