2025 жылдың 20–22 қазан аралығында Қостанай қызмет көрсету саласының колледжінің студенттері Рудный қаласында өткен тоғызқұмалақтан колледждер арасындағы облыстық спартакиада кезеңіне қатысты. Колледждің намысын келесі студенттер қорғады: Болат Айдын (МА-23 тобы), Иванников Артём (МЦТ-24 тобы), Музаева Амина (ПС-23 тобы) және Халикан Көркем (МЗ-25 тобы).Студенттердің аталған жарысқа қатысуы Қазақстан Республикасының Республика күніне орайластырылды. Бұл шара патриоттық рухты нығайтуға, зияткерлік қабілеттерді дамытуға және жастар арасында ұлттық спорт түрлерін насихаттауға ықпал етті.Колледж командасы дене шынықтыру пәнінің оқытушысы Губайдулина Н.А. жетекшілігімен белсенділік пен қызығушылық танытып, оқу орнын облыстық деңгейде абыроймен танытты.