Қостанай қызмет көрсету саласының колледжінің МЦТ-23 тобының студенттері М. Дулатов атындағы КИнЭУ базасында өткен Бос орындар жәрмеңкесіне қатысты. Бұл іс-шара болашақ мамандардың кәсіби қалыптасуындағы маңызды кезеңдердің бірі болды, себебі ол цифрлық техниканы жөндеу саласындағы бос жұмыс орындарымен танысуға бағытталған. Жәрмеңке аясында студенттер жұмыс берушілермен тікелей сұхбаттасуға, талаптар туралы білуге, пайдалы кеңестер алуға және өздерін қызықтырған сұрақтарды қоюға мүмкіндік алды. Аталған жәрмеңкеге қатысу студенттердің кәсіби көзқарасын кеңейтіп, белсенділік танытуына және болашақ мансапқа алғашқы қадам жасауына жол ашты.