Бүгін Қостанай қызмет көрсету саласының колледжінде жаңа оқу жылының басталуына арналған салтанатты жиын өтті. Колледж директоры Жанарстанова Дина Булатовна құттықтау сөз сөйлеп, студенттерге шабыт пен табыс, ал оқытушыларға нәтижелі еңбек тіледі.
Іс-шара барысында адалдықты, әділдікті және азаматтық жауапкершілікті қалыптастыратын «Адал азамат» жобасының құндылықтары еске салынды. Сондай-ақ, Қазақстан Республикасының Конституциясы күні – бірлік пен азаматтардың құқықтары мен бостандықтарының символы ретінде ерекше атап өтілді.
Бірінші курс студенттері үшін бұл жиын білім мен мамандық әлеміне алғашқы қадам болса, барлығы үшін жаңа оқу жылының жарқын бастамасына айналды.